Udaleko Euskara zerbitzuak duela hiru urte abian jarritako programarekin aurten ere jarraitzeko asmoa dugu. Egitasmo honek Eskola orduz kanpoko jardueretan euskararen erabilera sustazea du helburu.
Aurreko urtekoarekin alderatuz, hainbat aldaketa nabarmenduko ditugu. Hasteko programa honen kudeaketa URTXINTXA eskolak hartu duela. Hauen bitartez, gure monitoreek trebakuntza ikastaroak izateko aukera izango dute hasteko eta urteak aurrera egin ahala jarraipena eta aholkularitza eskeiniko dute.
Honetaz gain, ikasturterako proiektua zabaldu nahi dute, horrela haur eta gurasoekin zenbait jolas eta kanta saio proposamena egin dute: Familian euskaraz jolasean programa. Guztira hiru saio izango dira ikastolan bertan eta adinaren araberako taldeak osatuko dira. Datak, ondoko hauek izango dira:
Urtarrilaren 15. 2/3 urtekoak
Urtarrilaren 22. 4/5 urtekoak
Urtarrilaren 29. 6/7 urtekoak
Aurten ere Gurasolaguna ekimena martxan jarri da. Proiektu hau mintzalagunak bultzatzen du Gasteizko zenbait ikastetxeetan. Bertan, euren euskara landu nahi duten gurasoak eta ahalegin horretan laguntzeko prest dauden gurasoak elkartzen dira ikastola garaian. Taldeak txikiak dira eta izenemateko epea irekita dago.
2011-12 ikasturtean, aurrekoetan bezala, gurasoen dantza taldeak gogoz jarraituko du giro ederrean dantza saioetan trebatzen. Guztira ere, 20 guraso inguru elkartzen dira ostegunero 17:00etatik 18:00etara Euskal Herriko Dantzak zein munduko dantzak ikasteko asmoz. Ikasturte bukaeran bai ikastolako festan zein arabako topaketetan erakustaldia ere egiten dute.
Arantzabela ikastolako ama eta aita batzuk abesbatza bat sortzea erabaki zuten eta jadanik 11 urte pasa dira beraien eztarriak eta intonazioak hobetzen. Denbora honetan hainbat saio burutu dituzte: ikastolako jaian, Aranako egoitzan, Amaia zentroan, Zeanuri herrian, Santa Ageda egunean Gasteizko kaleetatik, abesbatza topaketetan eta abar. Eta oraindik animoak goian!
Ikastolako krosa “Oihan” Elkarteko gurasoek antolatzen dute urtero, maiatz aldera, eta beti egoten gara egun eguzkitsu baten zain, egia baita halakoetan eguraldia lagun izan behar izaten dugula. Aurtengo ikasturtean, maiatzean izango da eta XXVIII. edizioa ospatuko da.
Hasiera batean ikastolako eremutik kanpo burutu izan zen, Salburuako zelaietan, garaian landak baitziren eta ez, orain den bezala, Gasteizko jendeztatutako auzoa. Gero, beranduago, Aranako parkean ere ospatu izan zen. Eta azken urteotan ikastetxeko eremuaren barruan bertan aritu izan gara, egingarriago eta, azken finean, erosoagoa izan zaigu eta.
Eguberri aurreko astean egiten da Liburu Astea gure ikastolan, hiru egunetan.
Bi kultur ekintza egiten dira, helduentzako bat eta umeentzako beste bat.
Urriko hasierako asteburuan egiten den mendi irteera da. Ikastolako haur eta guraso guztiei luzatzen zaie zita honetarako gonbitea.
Aurtengoa La Mota mendira igo ginen eta bazkaldu Espejoko erreka inguruan dagoen belardian. Ikaragarrizko eguraldi ona, bero, beraz batek baino gehiagok bainotxoa hartu zuen errekan. Giro polita, partaidetza ona balorazioa beraz, ona egindako lana eta lortutako emaitzekin.
Irteeraren argazkiak HEMEN daude.
Maiatzean jolas txokoak antolatzen dira.
Eguraldi ona hastearekin batera, ikastolako patioan JOLAS TXOKOAK antolatzen dira. Umeak bertan jolasten geratzen hasten direla aprobetxatuz, eta euren artean euskararen erabilera indartzeko asmoz eta, era berean, taldekako jolasak erakusteko jarduera gidatua da. Astean bi egunez antolatu ohi dira.
Uztaileko lehenengo hamabostaldian antolatzen dira, goizeko udalekuak dira. Ikastolako haurrei ematen zaie hauetan parte hartzeko aukera eta, orokorrean, Haur Hezkuntza eta Lehen Hezkuntzako lehenengo mailei zuzentzen zaie. Animazio enpresa bat arduratzen da jolas txokoen kudeaketaz (begiraleak kontratatu eta ekintza programa aurrera eramaeaz). Ekimen honek, udal diru laguntza jaso du orain arte.
